Khí風、tshiūnn雲、lo̍h雨、tshut虹…咱ê生活定定會講tio̍h氣象，所致台語若beh現代化，大氣科學用詞是袂堪得無。 大氣科學發展一百冬，英語mā綴leh創出一寡新詞，像jet stream、squall line，遮ê詞咱台語敢有媠氣ê講法？敢有古早味ê在來詞通抾來用？ 大氣科學含佇地球科學內，是咱中小學ê專業科目，按怎佇學校做浸汰式ê台語地球科學教育？ 用台語mā會使講上新ê研究。咱台灣這兩三冬是按怎攏無風颱欲來？歐美ê heat dome是啥貨？ 主持兼主講： Ông Hîng，UC Davis博士後研究員（2020到tann），SUNY Albany大氣科學博士（2020），台大大氣科學碩士（2016）、學士（2014） 捌用台語佇台大大氣科學系報碩士論文佮博士後研究 捌用台文撰文刊佇《牽囡仔ê手行台語ê路》迷眾頁koh ū《台文通訊》 『美國ê囡仔台語伴』線頂共學團召集人兩个台語囡仔ê老爸 主講： Ngô͘ Bêng-hong 猶咧讀文大大氣&地理系雙主修，東吳大學台語文社講師，基德漢化組台文譯者 主講： Gôo Tsì-Hông，清大原子科學碩士(1994)，師大物理系(1991)，國中自然科，台語教師，高雄市國民教育輔導團本土語文專任輔導員，高師大台語師資專長班兼任講師。捌參加曾文溪電台和台語文學《錦荔枝的故事》的台語廣播劇錄製，第三冬主持家己學校(高雄市國昌國中)的沉浸式教學計畫，用台語教地球科學 時間 2022/11/12 拜六 台灣23:00、歐洲16:00、多倫多10:00、美西07:00 免費參加辦法 . 所在：Webex線頂會議廳 https://natwa.webex.com/meet/taigi 本論壇會錄影，影片kap討論室等文字影音檔案會公開, chiâⁿ做研究、教育、宣導等等方面來使用。參加世界台灣文化論壇，to̍h表示無條件同意以上做法.